Ujan panas dan arep dunia

entah lah berape bulan ne............
ujan dak berenti-renti e
bukan bejik ke ujan,
cuma  dingin pasti nyusuk badan ase e, maklumlah badan penidir
kalo lah ujan dikit, penyakit lah keluar galen lah
tapi men hari lah panas nue, penyakit ge muncul galen ge
jadi payah ge men macem tu,
Oh Tuhan jangan lah diambik ati keluhan si fakir ne
fakir yang dak tahu diri
gek minta bae ge gawe e, ngeluh ulik sudeh tu
ape lah jadi e men macem ni ne
Oh Tuhan maaf lah kate-kate yang dak bebudi ne
entah ngape pacak jadi macem ni ne
musim ujan ngeluh, musim panas ngeluh.
Mimang lah musim panas kini e beda kek musim panas jaman dulu tu
men duse lah dak tau ngisah e, macem nilah jadi bumi ne, panas dak setulung agik..............
Men gilir ujan datang, banjir dak pacak ditahan, macem ya ge............
ni lah jaman men lah tue
ni lah jaman men lah nek kiamat
ni lah jaman men urang-urang lah banyak muet duse
entah sebile kek betubat...................
kira e lah, ade waktu jaman neh berubah
jaman yang dipenuhi urang-urang suleh
jaman baek, jadi men di cabut Tuhan nyawe ni pacak masuk golongan yang baek
sebab banyak urang baek, jadi kite pacak ikut baek ge
mudah-mudahan lah pacak terkabul.